Novas

• 

  19/04/2024

  A Xunta pon de relevo que o 57 % dos proxectos atendidos no Polo de emprendemento de Coristanco están impulsados por mulleres

  O secretario xeral de Apoio ao Emprego, Traballo Autónomo e Economía Social, Pablo Fernández, participou no evento ‘Muller rural emprendedora, desafíos e oportunidades’ celebrado en Santa Comba e organizado desde este Polo coruñés. Salientou que -desde a súa inauguración en outubro de 2022- o Polo de emprendemento e apoio ao emprego de Coristanco ten atendido máis de 170 iniciativas, impulsadas por emprendedores cos que se realizaron preto de 900 titorías. O conxunto da provincia da Coruña aglutina máis de 500 iniciativas -no centro de Coristanco e nos de Ferrol e Melide- entre as que destacan as relacionadas co sector servizos, seguidas das do sector primario e da hostalaría.

• 

  17/04/2024

  A Xunta lanza un espazo web que reunirá todos os recursos para impulsar o emprendemento en Galicia

  José González puxo en valor a Rede de polos que, con 13 centros en Galicia, xa asesorou ao redor de 1.600 novos proxectos empresariais en menos dous anos. A Administración autonómica ten en marcha un plan de remuda para negocios sen continuidade ao que se adheriron xa un cento de empresarios. Galicia consolidouse neste inicio de ano como a comunidade con maior esforzo investidor en materia de emprego, con máis de 200 millóns mobilizados.

• 

  10/04/2024

  A Xunta estudará a colaboración de emprendedores sénior coa Rede autonómica de polos para reforzar o asesoramento que presta da man de expertos

  O secretario xeral de Apoio ao Emprego, Traballo Autónomo e Economía Social, Pablo Fernández, clausurou o acto do 30 aniversario de Secot-Galicia, unha entidade que ofrece asesoramento ás persoas emprendedoras a través do voluntariado sénior. Puxo en valor a Rede que está composta por 13 centros activos coa previsión de acadar en breve os 15 espallados por todo o territorio galego, prestando asesoramento experto a novas persoas emprendedoras ou para garantir a remuda xeracional. Desde a posta en marcha da iniciativa en xullo de 2022, téñense atendido arredor de 1.600 proxectos en toda a Comunidade, preto de 400 na provincia de Pontevedra.

• 

  07/04/2024

  A Xunta forma o persoal técnico dos Polos de emprendemento e as empresas asesoradas na rede en Responsabilidade Social Empresarial

  Esta semana tivo lugar unha primeira xornada informativa para que os técnicos poidan promover que os negocios que atenden se desenvolvan tendo en conta de xeito equilibrado ás variables económicas, ambientais, sociais e de bo goberno. Entre outras cuestións, tratouse o programa Responsabilízate impulsado polo Goberno galego, que está xa na súa cuarta edición e que ten como reto principal impulsar a sustentabilidade e competitividade nas empresas galegas. A acción ten lugar no marco da Estratexia Galega de RSE 2023-2025, que persegue unha sociedade máis igualitaria e integradora, que consiga reducir as desigualdades e mellorar a calidade de vida e a conservación da contorna.

• 

  01/04/2024

  A Xunta presenta ao Goberno de Aragón a súa estratexia a prol do emprendemento e da xeración de riqueza e emprego mediante a Rede de polos

  A conselleira de Promoción do Emprego e Igualdade en funcións, Elena Rivo, visitou o Polo de emprendemento de Baños de Molgas coa vicepresidenta segunda e consejera de Economía, Empleo e Industria aragonesa, Mar Vaquero. Destacou que a Rede está composta por 13 centros activos coa previsión de acadar en breve os 15 espallados por todo o territorio galego, prestando asesoramento a novas persoas emprendedoras ou para garantir a remuda xeracional. Desde a posta en marcha da iniciativa en xullo de 2022, téñense atendido arredor de 1.500 proxectos en toda a Comunidade, máis de 300 deles na provincia de Ourense.

• 

  25/03/2024

  Rivo salienta a importancia do Polo de Coristanco para xerar emprendemento e fixar poboación no rural

  A conselleira de Promoción do Emprego e Igualdade, Elena Rivo, visitou a oficina coa que se está a impulsar o emprendemento na comarca e a súa contorna. Destacou a aposta do Goberno galego polo emprendemento a través da Rede de polos que xa conta con 13 centros, sinalando o asesoramento específico que presta no caso de proxectos de remuda. O Polo de Coristanco atendeu desde a súa posta en marcha 166 iniciativas empresariais, das que preto dun 20 % son de remuda.