Polo de emprendemento e apoio ao emprego

Programa Retorna Emprendemento 2024

A Xunta de Galicia impulsa no marco da nova Estratexia Retorna 2023-2026 un paquete de medidas co obxectivo de favorecer a integración no mercado laboral das persoas retornadas.

En concreto e para o ámbito do emprendemento, a estratexia contempla no seu Obxectivo 25 a promoción do autoemprego, a integración laboral por conta allea e a creación de pemes por persoas galegas retornadas.

A rede de polos de emprendemento e apoio ao emprego ofrece apoio tanto ás persoas xa retornadas en Galicia como a aquelas que estando en orixe, contemplen o autoemprego como vía para o retorno.

Se es unha persoa emprendedora emigrante galega retornada:

Poderás recibir acompañamento no desenvolvemento do teu proxecto empresarial na Rede de polos de emprendemento e apoio ao emprego. Contacta con coordinacion@polosemprendemento.gal
Ademais poderás recibir apoio económico e financeiro para emprender a través de:

1. AXUDAS DO PROGRAMA RETORNA EMPRENDEMENTO 2024

Subvencións para promover o autoemprego e a actividade emprendedora das persoas emigrantes galegas retornadas na Comunidade Autónoma Galega (PR937A). Convocatoria aberta ata o 30 de setembro de 2024!

Información subvención

Esta axuda ten por obxecto promover o autoemprego e a actividade emprendedora na Comunidade Autónoma galega das persoas emigrantes galegas retornadas, que se establezan como persoas traballadoras autónomas ou por conta propia. O importe máximo da subvención concedida será de 10.000 euros.

Poderán ser beneficiarias destas subvencións as seguintes persoas que, residindo fóra de España, se establezan na Comunidade Autónoma galega:

1. As persoas galegas e nacidas en Galicia.

2. Os/As cónxuxes ou persoas con unión análoga á conxugal e os/as descendentes por consanguinidade das persoas galegas e nacidas en Galicia.

Segundo o artigo 8.f da convocatoria, para poder solicitar a axuda, é preciso presentar un informe de viabilidade económica e financeira dunha entidade independente ao Plan de negocio empresarial requerido según o anexo II da convocatoria que se pode consultar no siguiente enlace.

Modelo de Anexo II

Se precisas solicitar este informe de viabilidade ou que che axudemos a definir o plan de negocio, ponte en contacto con nós cumprimentando o formulario que figura máis abaixo nesta mesma páxina

2. LIÑA DE FINANCIAMENTO PARA PERSOAS EMPRENDEDORAS GALEGAS RETORNADAS. (MICROBANK-CAIXABANK)

A Consellería de Emprego, Comercio e Emigración ten asinado un acordo de colaboración con Microbank, participado integramente por CaixaBank, para achegar ás persoas galegas retornadas, microcréditos.

Se precisas solicitar o informe de viabilidade, ou axuda e asesoramento para co cumprimento do plan de empresa (Anexo III) ponte en contacto coa Rede de polos de emprendemento e apoio ao emprego en coordinacion@polosemprendemento.gal ou a través do seguinte formulario.

Formulario de contacto

Que necesitas para o teu plan de negocio?

Necesitas apoio para elaborar o teu plan de negocio.

Queres solicitar un microcrédito.

Necesitas só o informe de viabilidade do teu plan de negocio.

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Acepto a Politica de privacidade.