Ourense Centro e Sur

O Polo de Emprendemento e Apoio ao Emprego Ourense Centro e Sur actúa sobre as bisbarras de Verín, Viana, A Limia, A Baixa Limia, Terra de Caldelas e Terra de Trives. En total, 36 concellos.

Onde se atopa?

O Polo atópase no Centro de Desenvolvemento Cooperativo de Verín, no Polígono Industrial de Pazos, en Verín. Estrada do Polígono Industrial, nº 99. Estamos abertos de luns a venres de 9:00 a 18:00 horas.

O noso espazo conta con despachos, cunha zona de coworking con wifi, ordenadores e teléfonos a túa disposición. Tamén temos una zona de innovación con impresoras 3D onde poderás vir cando queiras para traballar connosco e con outras persoas emprendedoras. 
 
Contamos cunha sala para a organización de actividades formativas e sesións de networking para a xente que quera ampliar coñecementos ou xuntarse con outras persoas na súa mesma situación ou intereses.

Área xeográfica de actuación

O Polo de Emprendemento e Apoio ao Emprego Ourense Centro e Sur actúa sobre as bisbarras de Verín, Viana, A Limia, A Baixa Limia, Terra de Caldelas e Terra de Trives. En total, 36 concellos que conforman un territorio moi diverso, dende os grandes macizos montañosos de Galicia ata os grandes vales do sur, acollendo zonas da Ribeira Sacra, do Parque Natural do Invernadeiro e do Parque Natural da Baixa Limia – Serra do Xurés e Reserva da Biosfera Transfronteiriza Xurés-Gerés.

Cunha enorme riqueza de recursos naturais e patrimoniais, hoxe en día predominan actividades do sector primario (agricultura, gandeiría e xestión forestal) e do sector servizos. Cada vez máis, sectores como o turismo e o termalismo van collendo máis forza no territorio; ámbitos nos que se identifican necesidades e oportunidades para emprender.

Do mesmo xeito, estanse a desenvolver novos sectores innovadores que poderán dinamizar a contorna e crear sinerxias co tecido empresarial existente.