Xornada: Talento Cooperativo. Programa de fortalecemento de empresas de economía social

🗓️ Xoves, 19 de xuño | 10:00 - 12:30 h
📍 Facultade de Comercio, Vigo

O evento, aberto ao público, presentará o proxecto Talento Cooperativo, un programa de fortalecemento para mellorar as áreas de xestión das empresas de economía social galegas, que se artella a través da concesión de bolsas de apoio xerencial aos colectivos destinatarios do programa, e está no marco do programa de actuación 2024-2025 da Rede Eusumo (Xunta de Galicia) e do Proxecto Poctep ES_Factory (FSEplus – Cepes).

Talento Cooperativo prestará apoio ás entidades de economía social facilitando a incorporación de persoas formadas en xestión empresarial, con coñecementos específicos sobre cooperativas e outras fórmulas da economía social de cara a fortalecer a xestión empresarial e a función xerencial das organizacións beneficiarias dunha bolsa.

Ao mesmo tempo, contribuirá á mellora da empregabilidade e das competencias das persoas bolseiras que se incorporen ás empresas.

​Contidos do programa:

• Traxectoria dos programas de emprego de EspazoCoop dende 2010  
• Experiencias de persoas bolseiras e cooperativas, beneficiarias nos últimos anos, e de persoal técnico titor da Unión
• Lanzamento da convocatoria 2025 de Talento Cooperativo (Bolsas en empresas de economía social) 

Destinatarios:

• Persoas mozas menores de 30 anos, preferentemente mulleres, que estean a buscar unha alternativa de emprego de calidade que lles permita conciliar a súa vida laboral e persoal.
• Entidades de economía social con necesidades de perfís profesionais en postos de xerencia e dirección.