Xornada de networking Polos de emprendemento - Xuventude Crea Teatro

Este encontro ten como obxectivos traballar o discurso de venda dos produtos/servizos de cada proxecto representado, enriquecer os proxectos con novas perspectivas e xerar posibles sinerxías.  

A xornada de networking está dirixida a facilitar o encontro entre diferentes proxectos no eido da produción teatral e audiovisual ou naqueles que se atopan relacionados coa difusión cultural ou servizos complementarios.  

Previamente mediante tres sesións formativas, a Consellería de Emprego, Comercio e Emigración a través da Rede de polos de emprendemento e apoio ao emprego xa tiña dado soporte aos grupos gañadores do programa Xuventude Crea (unha sección de teatro convocada no seo da Consellería de Cultura, Lingua e Xuventude) que se complementa con dita xornada. 

O programa será o seguinte:  

10:30-10:40 h. Recepción das persoas asistentes e benvida.  

10:40-10:50 h. Dinámica rompexeos para que as persoas participantes se coñezan.  

10:50-11:30 h. Dinámica “Construindo o meu Elevator Pich”: preparación dun discurso de 2 minutos que consiga captar o interese de posibles persoas inversoras, clientes, etc. 

11:30-12:30 h. Dinámica “Cueces o enriqueces”: para recoller e valorar aportacións desde perspectivas para incorporar as que melloren o proxecto das persoas participantes. 

12:30-13:20 h. Despedida e peche da xornada. 

A xornada terá lugar o 30 de abril, no Polo de emprendemento e apoio ao emprego Silleda. Rúa Trasdeza nº 70, baixo, 36540 (Silleda).