Taller básico on line de Iniciación á impresión 3D por Modelado por Deposición Fundida (FDM)

Dende 11 de xuño, 2025 - Ata 11 de xuño, 2025

A Rede de polos de emprendemento e apoio ao emprego de Galicia organiza en colaboración co COE (Centro de Orientación, Emprendemento e Innovación para o Emprego) un taller práctico on line especialmente deseñado para persoas emprendedoras que desexen adquirir coñecementos básicos na utilización da impresion 3D nos seus proxectos.

Categorías: Formación

Modalidades: Online

📅 Mércores 11 de xuño | 09:00 h a 11:00 h
💻 Modalidade: en liña

Nesta sesión de traballo, dirixida a persoas emprendedoras beneficiarias da Rede de polos de emprendemento e apoio ao emprego, daranse a coñecer os conceptos fundamentais da impresión 3D e ofrecerase unha base teórica xeral sobre esta tecnoloxía, co obxectivo de establecer as bases necesarias para un coñecemento máis amplo destas ferramentas emerxentes.

Pensada para persoas emprendedoras que queiran explorar novas formas de crear, personalizar ou prototipar as suas ideas ou produtos. Realizarase un percorrido polas principais variantes da fabricación aditiva, analizando as súas aplicacións actuais. A atención centrarase no Modelado por Deposición Fundida, por ser o método máis accesible e tamén o máis empregado na actualidade.

A actividade estrutúrase en tres partes: unha presentación do equipamento de prototipado dispoñible, unha exposición teórica sobre a tecnoloxía FDM e un espazo de boas prácticas seguido dunha rolda de preguntas.

Nesta sesión aprenderás...

En que consiste a fabricación aditiva e as súas principais variantes
Como funciona a tecnoloxía FDM e que ferramentas se precisan
Boas prácticas para iniciarte na impresión 3D

Programa:

09:00 h – Recepción de asistentes e presentacións

09:10 h – Presentación do equipamento de fabricación e prototipado do COE con Patricia Vilar (Alvo 3D) e David Rodríguez (ROPI4)

09:20 h – Introdución á Fabricación Aditiva. A tecnoloxía FDM e os modelos 3D con Patricia Vilar (Alvo 3D) e David Rodríguez (ROPI4)

10:10 h – Resumo de boas prácticas con Patricia Vilar (Alvo 3D) e David Rodríguez (ROPI4)

10:40 h – Preguntas e respostas

11:00 h – Peche da sesión

Inscríbete xa e participa activamente na exploración de novas tecnoloxías para innovar no teu proxecto!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar