📅 Xoves, 27 de marzo | 12:00 - 14:00h
📍 Salón de Actos do Edificio Multiusos (O Barco de Valdeorras)

Esta actividade consistirá nunha charla impartida por Rebeca Ponte, responsable da Área de Benestar Sociolaboral e Saúde Comunitaria da Fundación Ronsel, para dotar ás persoas asistentes das claves para traballar o seu benestar emocional e integralo nas estratexias de emprendemento sostible, e así acadar o éxito a longo prazo das empresas e dos seus fundadores.

Mediante as prácticas búscase salientar a importancia de coidar a saúde mental no eido do emprendemento no comercio, un sector que conleva altos niveis de estrés e presión que poden afectar negativamente ás persoas. Convidarase a asistir a esta conferencia aos asociados do Centro Comercial Aberto e a outras persoas emprendedoras. 

Nesta xornada aprenderás...

✅ Como mellorar o teu benestar físico e emocional
✅ Claves básicas de autocoidado para emprendedores
✅ Ferramentas básicas e exercicios físicos
 

O programa é o seguinte

12:00 - 12:05h Recepción dos asistentes
12:05 - 12:35h Desenvolvemento teórico da actividade

• Factores que alteran o benestar e a saúde
• Información clave para a mellora do benestar físico e emocional das persoas autónomas emprendedoras do sector comercio
• Claves básicas de autocoidado para persoas emprendedoras

12:35 - 13:35h Desenvolvemento práctico da actividade

• Ferramentas básicas para a osixenación
• Exercicio práctico para a activación da glándula timo
• Exercicio para activar o sistema parasimpático, aprendizaxe da automasaxe do nervio vago para regular os niveis de cortisol producidos polo estrés
• Táboa de micromovemento para a activación de retorno do sistema circulatorio e linfático
• Traballo básico de PNL para persoas emprendedoras, xestión da incerteza e o desafío da comunicación social

13:35 - 13:45h Dúbidas e conclusións

13:45 - 14:00h Petiscos e networking

💡 Non deixes pasar esta oportunidade! Só hai 20 prazas, inscríbete agora!