Superando os medos de emprender

Na actualidade estase a comprobar cada vez con máis frecuencia o importante que é xestionar as emocións en todos os ámbitos vitais. Por iso, conceptos como o liderado da intelixencia emocional ou da comunicación non violenta non poden estar desligados desta cuestión. 

Esta actividade enmarcada na Semana do Emprendemento, ten como obxectivo que as persoas emprendedoras aprendan a valorar o impacto da auto-conciencia, saiban como auto-regularse ante as dificultades, e que as súas relacións sociais, a súa empatía e súa motivación se vexan incrementadas.  

Polo tanto, neste taller participativo as persoas asistentes poderán coñecer os compoñentes e ferramentas da intelixencia emocional, así como as 6 emocións básicas, facendo fincapé no medo, tan habitual no proceso emprendedor.

O programa será o seguinte:  

9:30-9:45 h. Presentación.  

9:45-11:30 h. Aplicación da intelixencia emocional no momento de emprender. 

11:30-12:00 h. Pausa para o networking. 

12:00-13:30 h. Aplicacións na vida persoal e profesional destes conceptos. 

13:30 h. Peche da xornada. 

Dita actividade terá lugar o 18 de abril, no Polo de emprendemento e apoio ao emprego Friol (rúa Deputación 18, 1º andar, Friol)

Se queres vencer o teu medo a emprender, inscríbete nesta actividade!