Redefinindo o meu modelo de negocio

O obxectivo da formación é facilitar ás persoas emprendedoras coñecementos e habilidades para xestionar a presenza dos seus proxectos en Internet e as canles de comunicación dixital coa súa clientela. A formación é presencial, en horario de 9.30 a 13.30h, nas instalacións do Polo de emprendemento de Friol (Rúa Deputación nº18). As oito sesións do programa serán impartidas por docentes especializados.

A primeira sesión denominada “Redefinindo o meu modelo de negocio” centrarase nos aspectos fundamentais antes de establecer a estratexia de comunicación dixital. O evento está aberto a todas as persoas emprendedoras que participan na Rede de polos de emprendemento e apoio ao emprego previa inscrición. Será impartida por Pablo López.

Programa completo

1. Redefinindo o meu modelo de negocio (23 outubro)
2. Coñecendo ao meu cliente dixital (25 outubro)
3. Estratexias de márketing (30 outubro)
4. Deseñando a experiencia de cliente dixital (omnicanle) (6 novembro)
5. Estratexia dixital e posicionamento online (13 novembro)
6. Marca emprendedora (15 novembro)
7. Xestión de redes sociais (20 novembro)
8. Comercio online (22 novembro)