Presentación do proxecto de emprendemento innovador no rural "Territorio Soutos"
Dende 18 de febreiro, 2025 - Ata 18 de febreiro, 2025
O Polo de emprendemento e apoio ao emprego O Barco, xunto á Fundación Ronsel e a entidade Leon Startup organizan esta xornada para presentar o programa “Territorio Soutos”. Un novo formato de emprendemento no rural para deseñar, de maneira colectiva coas persoas emprendedoras, solucións que resolvan retos identificados no territorio
Categorías: Potenciando o emprendemento cos recursos locais
Modalidades: Presencial
Presentación do programa de emprendemento innovador “Territorio Soutos”: un formato de emprendemento que busca, a través do talento e a experiencia dos emprendedores e emprendedoras locais e urbáns, deseñar colectivamente proxectos de emprendemento disruptivos que ofrezan solucións e alternativas á industria tradicional do territorio.
O proxecto ten como territorio de impacto a área xeográfica de actuación do Polo de Emprendemento do Barco, que inclúen as comarcas de Valdeorras, Trives e Terra de Caldelas.
Programa da xornada:
12:00 Recepción de asistentes e benvida.
Luis García Deber, Director da Fundación Ronsel.
12:10 Territorio Soutos.
Noemi Barrientos - Emprendedora local e fundadora de Léon Startup.
1. Presentación do proxecto e as súas fases
2. Presentación da identidade visual local.
3. Lanzamento dos retos do territorio.
4. Lanzamento da convocatoria e presentación da web.
12:40 Peche da xornada:
Marta Mariño Regueiro, Directora Xeral de Traballo Autónomo e Economía Social.
12:50 Degustación Produtos locais.
A actividade terá lugar o 18 de febreiro do 2025, no Centro de Día de Manzaneda, na Calle Toural s/n – 32781 Manzaneda (Ourense)