Potenciando o emprendemento aproveitando os recursos locais: a remuda xeracional na IXP do Pan de Cea
Dende 13 de marzo, 2024 - Ata 13 de marzo, 2024
O Polo de emprendemento e apoio ao emprego O Carballiño organiza un foro de intercambio aberto entre as persoas representantes desta marca e o alumnado de FP que se estea especializando neste oficio
Categorías: Potenciando o emprendemento cos recursos locais
Modalidades: Presencial
Con este evento preténdese abordar as dificultades da marca Pan de Cea para atopar relevo para os seus artesáns. A través de diversas actividades poñeranse en valor as oportunidades de remuda que hai neste sector, conectarase aos actuais artesáns coa nova xeración de panadeiros.
O programa será o seguinte:
10:00-10:15 h. Recepción das persoas asistentes e benvida.
10:15-10:30 h. Presentación do Polo de emprendemento e apoio ao emprego O Carballiño incidindo na bolsa de remuda de negocios.
10:30-11:00 h. Mesa coloquio: a marca do Pan de Cea como activador da dinamización territorial rural.
Participantes:
-
Carlos Rodríguez, presidente da IXP Pan de Cea.
-
Manuel Garea, docente do CIFP Vilamarín.
-
Sofía Gody, Aboamigalla.
Quenda de preguntas.
11:00-11:40 h. Actividade de co-creación: espazo onde as persoas participantes e o alumnado poderán traballar conxuntamente e debater sobre distintas accións relacionadas coa marca.
11:40-12:00 h Exposición das conclusións de cada mesa de traballo e peche da xornada.
12:00 h Visita ao forno tradicional Aboamigalla e degustación.
O foro terá lugar o 13 de marzo, no Forno tradicional San Cristovo de Cea, Nave Aboamigalla (Polígono municipal de San Cristovo de Cea).
Anímate e participa!
