🗓️ Luns, 16 de xuño | 19:00 - 22:00 h
📍 Casa do Bico, Ferrañol, Becerreá

O teu negocio pode estar en marcha e funcionar ás mil marabillas, pero é fundamental manterse actualizado sobre as obrigas legais das empresas. Este obradoiro céntrase en dous aspectos que poden levantar moitas dúbidas: a factura electrónica e a fichaxe de empregados. 

Esta actividade impartirase coa maior rigorosidade técnica e atendendo ás necesidades dos proxectos de cada un dos asistentes. Tras este curso, o teu negocio terá os medios para prestar un mellor servizo e ser máis competitivo. 

Ademais de aprender a poñer en funcionamento a factura electrónica e a fichaxe de empregados, poderás conectar con outros negocios do territorio cos que compartir experiencias e crear comunidade.

Programa:
19:00 h - Presentación do evento
19:05 h - Presentación do polo e os servizos dispoñibles
19:10 h - Presentación dos participantes
19:20 h - Explicación teórica dos contidos

• A factura electrónica. Que é? Obrigas, vantaxes, datas, como poñela en marcha.
• Fichaxe de persoal. Que é? Obrigas, vantaxes, datas, como poñela en marcha.

20:30 h - Sesión de preguntas
21:00 h - Café Networking

Se aínda non incorporaches estas funcionalidades ao teu negocio, non esperes máis e inscríbete!