Obradoiro de emprendemento: Nova facturación electrónica - Resolución de dúbidas para emprendedores e autónomos

Dende 18 de marzo, 2025 - Ata 18 de marzo, 2025

Coa implantación do novo sistema de facturación electrónica, xorden dúbidas entre emprendedores e autónomos que precisan ser resoltas. Esta xornada participativa e práctica centrarase na resolución destas cuestións.

Categorías: Formación

Modalidades: Online

📅 18 de marzo de 2025 16:00 - 17:00h
💻 Online (plataforma Zoom)
👥 Prazas limitadas: Máximo 30 participantes

A chegada do novo sistema de facturación electrónica supón un cambio importante para autónomos e emprendedores. Se tes dúbidas sobre os novos requisitos, prazos e ferramentas dispoñibles, esta xornada práctica está feita para ti. Nun formato dinámico e participativo, ofreceremos toda a información necesaria para que poidas adaptarte sen complicacións.

Os expertos de Asesoría Xesta, Iria e Iago, compartirán o seu coñecemento para axudarte a entender e aplicar a nova normativa de forma sinxela e efectiva.

Nesta xornada coñecerás...

✅ Como funciona a nova normativa de facturación electrónica
✅ Que autónomos e empresas están obrigados a aplicala
✅ Prazos e requisitos esenciais
✅ Ferramentas prácticas para cumprir coa normativa

O programa é o seguinte:

16:00 - 16:05 h Presentación dos poñentes da xornada, Iria e Iago de Asesoría Xesta
16:05 - 16:10 h Presentación do programa da xornada e do contido a tratar. Presentación da Rede de Polos de Emprendemento.
16:10 - 16:40 h Bloque teórico:
- Explicación xeral da normativa de facturación electrónica.
- Presentación de ferramentas adaptadas aos novos requirimentos legais.
16:40 - 17:00 h Resolución de dúbidas.
17:00 h Peche da xornada.

💡 Non deixes pasar esta oportunidade! Só hai 30 prazas, inscríbete agora e adapta o teu negocio á nova realidade sen complicacións.

Información adicional

ColaboradoresAsesoría Xesta

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar