A fixación de prezos non é só clave para o cálculo da rendibilidade dun proxecto, senón que tamén se pode usar como ferramenta estratéxica para o posicionamento da marca no mercado. Se queres coñecer máis sobre a importancia de fixar os prezos para os teus produtos e servizos de acordo co teu posicionamento de marca, este obradoiro de formación pode proporcionarche as respostas.   

A actividade desenvolverase en dúas partes: a parte teórica proporcionará os aspectos clave que permiten definir unha estratexia de prezos e na parte práctica resolveranse os casos dos grupos de traballo de xeito interactivo e focalizándose en aplicar os conceptos previamente presentados na parte teórica.   

O programa será o seguinte:   

16:00-16:05 h. Recepción das persoas asistentes, benvida e presentación da poñente Lucía López Ferradáns, educadora financeira e CEO da empresa Abundanthia. 

16:05-16:15 h. Presentación do programa da xornada e da Rede de polos de emprendemento. 

16:15-17:00 h. Exposición dos aspectos teóricos.

17:00-17:30 h. Dinámica de grupos de traballo.

17:30-17:55 h. Exposición das conclusións de cada grupo de traballo e quenda de preguntas.  

17:55 h. Peche da actividade.  

O obradoiro terá lugar o 28 de maio, de forma online mediante a plataforma Zoom. 

Non perdas a oportunidade de descubrilo!