Estratexias e publicidade nas redes sociais

Dende 16 de abril, 2024 - Ata 16 de abril, 2024

O Polo de emprendemento e apoio ao emprego Ferrol organiza a segunda xornada formativa para a comprensión e a xestión eficaz das plataformas de redes sociais

Categorías: Formación

A pretensión desta segunda xornada é, ademais de seguir profundando nos conceptos e contidos básicos, funcionamento e xestión das redes sociais; capacitar ás persoas asistentes para que poidan identificar as oportunidades que lles ofrecen para promover a marca persoal ou comercial, xerar leads, establecer conexións profesionais e calquera outro propósito de interese.

A formación estará impartida por Verónica Ramallal, fundadora da consultora de social media e marca persoa Pekecha.

O programa será o seguinte:

9:30-9:35 h. Resumo do aprendido na xornada “O poder das redes sociais para emprender”.

9:35-10:20 h. Os 10 erros máis frecuentes na xestión das redes sociais: exemplos prácticos.

10:20-11:20 h. Estratexias específicas para as redes sociais de Facebook, Instagram, Twitter, TikTok, Twitch, WhatsApp e Pinterest.

11:20-11:40 h. Pausa para o café.

11:40-12:20 h. Pasos a seguir na creación e xestión de campañas publicitarias en redes sociais.

12:20-13:00 h. Ferramentas de xestión para analizar KeyWords, programar contidos e facer métricas e parametrizacións.

13:00 h. Rolda de preguntas.

A xornada formativa terá lugar o 16 de abril, no Polo de emprendemento e apoio ao emprego Ferrol, A Cabana s/n, edificio CIS.

As prazas son limitadas. Asignaranse por orde de inscrición, tendo preferencia as persoas beneficiarias da Rede de polos de emprendemento e apoio ao emprego.

Agardámoste!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar