O emprendemento feminino como motor do desenvolvemento rural

Dende 10 de xuño, 2024 - Ata 10 de xuño, 2024

O Polo de emprendemento e apoio ao emprego Verín organiza unha actividade para motivar e inspirar ás mulleres do rural a emprender na rexión

Categorías: Conectando o polo co sector...

Modalidades: Presencial

Queres coñecer os retos e oportunidades do emprendemento feminino no rural? Sabes como podes xestionar o fracaso ou a motivación para emprender? Pois o Polo de Verín ofréceche as respostas a través da actividade que organiza para destacar o que supón o emprendemento feminino no rural da rexión. 

No desenvolvemento da actividade daranse tres fases:  

Introdución “A muller no emprendemento”. Farase unha breve introdución do que supón o emprendemento no rural.   
Mesa redonda. Debate sobre os retos e oportunidades que se lles presentan ás mulleres rurais que queren ser emprendedoras.
Espazo mentoring. Profesionais da Asociación de empresarios de Ourense realizarán dúas mentorizacións para orientar e guiar ás persoas asistentes.

O programa será o seguinte:  

11:20-11:30 h. Recepción das persoas invitadas e asistentes. 

11:30-11:35 h. Comezo do evento.

11:35-11:45 h. Introdución á mesa redonda e contexto actual da “Muller no emprendemento”.

11:45-12:45 h. Desenvolvemento da mesa redonda.

Participantes:

Nuria Iglesias Blanco: socia fundadora de Mobify, CEO de TrendONme.com e presidenta de AJE Ourense.
Lorena Quintas Rejo: creadora de Xogo de Fíos, emprendedora e parte da Xunta Directiva de ACADAR (Asociación de mulleres con discapacidade de Galicia) e de Discafis Ourense (Federación provincial de persoas con discapacidade).
Laura Calvo Prieto: socia da empresa de transportes SILAGRO S.L., líder na comarca en a provincia de Ourense.
Vanesa Novoa Vila: fundadora da empresa Konstrunova, que dende os seus inicios aposta pola innovación e a calidade na construción.

12:45-13:00 h. Rogos e preguntas das persoas asistentes. 

13:00-13:50 h. Espazo mentoring: realizaranse unha mentorización coa finalidade de formar e orientar ás persoas emprendedoras asistentes.

“A arte de emprender. Desaprender para aprender” por Alba Ferro.

13:50-14:00 h. Peche e agradecementos.

14:00 h. Aperitivo e networking. 

A actividade terá lugar o 10 de xuño, no Polo de emprendemento e apoio ao emprego de Verín. 

Anímate e inscríbete!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar