A actividade desenvolverase cun formato foro, no que as empresarias rurais poderán analizar os desafíos específicos que enfrontan nos seus emprendementos, ao mesmo tempo que exploran oportunidades para o crecemento e desenvolvemento dos seus negocios.

A través da interacción con outras empresarias e emprendedoras, búscase ofrecer experiencias reais e motivar ás participantes a superar obstáculos e aproveitar ao máximo as oportunidades dispoñibles nas súas contornas rurais. A actividade tamén busca crear conciencia sobre o papel crucial da muller no ámbito empresarial rural e apoderalas para liderar e contribuír ao desenvolvemento económico do seu territorio. Para iso, contarase coa participación da Asociación de Empresarias de A Coruña (AECO) e da Asociación de Empresarias Rurais (ASER).

O programa será o seguinte:

10:45-11:00 h. Recepción das persoas asistentes e benvida.

11:00-12:30 h. Desafíos e oportunidades para as empresarias no ámbito rural:

Presentación das persoas participantes:

•  Ana Isabel Ulloa Lobeiras, presidenta de AECO (Asociación de Empresarias de A Coruña).
•  Isolina Raña Fraga, presidenta de ASER (Asociación de Empresarias Rurais).
• María Hermida Ferro, de Rock River Laboratory Spain.
• Lucía Calvo Marrozos, de La Despensa D’Lujo.
• Benedicta Díaz García, de Dita Consultora Inmobiliaria.
•  María Luisa Sainz Suárez, de Granja Escuela La Coventina.

Panel de discusión:

•  Desafíos pasados, presentes e futuros.
• Oportunidades para as emprendedoras no medio rural.

Modera Ana Isabel Ulloa Lobeiras, presidenta de AECO.

12:30-12:45 h. Pausa para o café e networking.

12:45 h. Presentación e exposición dos produtos de Lácteos Ferrado Verde – Grupo TGT e peche da xornada.

A actividade terá lugar o 19 de abril, en Lácteos Ferrado Verde – Grupo TGT, Lugar Vilar de Arriba, s/n, 15837 A Pereira, A Coruña, Santa Comba.

Anímate e participa!