📅 Mércores 26 de marzo | 17:00 - 19:00h
📍 Sede do Polo Sarria (Rúa Diego Pazos nº 20, Sarria)

O Camiño de Santiago é unha experiencia única que combina cultura, espiritualidade e autodescubrimento. Sarria, como punto clave do Camiño Francés, recibe miles de peregrinos cada ano, o que supón unha gran oportunidade para o sector turístico e comercial da zona. Mellorar os servizos e a experiencia do peregrino é clave para fortalecer a identidade local e posicionar Sarria como un destino acolledor e memorable.

Desde o Polo de emprendemento de Sarria organizan este obradoiro práctico e participativo de dúas horas, deseñado para identificar desafíos e desenvolver solucións concretas que optimicen a atención aos peregrinos en sectores como a hostalaría, a restauración, o comercio e o turismo. A través de dinámicas colaborativas, os participantes explorarán formas de mellorar a calidade do servizo e fomentar a cooperación local.

Esta actividade capacitarate para...

• Comprender a importancia de ofrecer un servizo integral e de calidade ao peregrino.
• Identificar áreas de mellora na atención e experiencia do peregrino en Sarria e a súa comarca.
• Fomentar a colaboración entre os distintos sectores involucrados no Camiño de Santiago.
• Desenvolver propostas concretas e viables para a súa implementación no curto e medio prazo.
• Posicionar Sarria como un destino acolledor e memorable no Camiño.

Programa: 

17:00 - 17:15h Introdución e contextualización

• Benvida e presentación da iniciativa.
• Breve exposición sobre a relevancia do Camiño de Santiago para Sarria e a súa comarca.

17:15 - 17:50h Diagnóstico participativo

• Identificación dos principais problemas e dificultades que enfrontan os peregrinos no seu paso por Sarria.
• Posta en común e selección dos ámbitos de mellora máis relevantes.

17:50 - 18:30h Xeración de solucións

• Propostas de mellora nos distintos ámbitos.
• Priorización e selección das mellores propostas.
• Definición de accións concretas a desenvolver.

18:30 - 19:00h Peche e compromisos

• Presentación de conclusións.
• Compromiso colectivo para a implementación das melloras.
• Resumo e peche do obradoiro.

19:00 - 19:30h Café networking.

Se es unha persoa empresaria, autónoma ou formas parte do sector turístico, hostaleiro ou comercial de Sarria, este obradoiro é para ti. Inscríbete e contribúe a mellorar a experiencia do peregrino, fortalecendo ao mesmo tempo o teu negocio e a identidade local.