Intelixencia Artificial para o Emprendemento

Dende 10 de xullo, 2024 - Ata 10 de xullo, 2024

O Polo de emprendemento e apoio ao emprego Friol organiza unha sesión formativa na que descubrirás como utilizar a Intelixencia Artificial para mellorar o teu negocio

Categorías: Formación

Modalidades: Presencial

Tes un negocio ou estás pensando en emprender? Interésache o mundo das IA e cres que poden ser beneficiosas na túa aventura empresarial? Se a resposta é sí, achégate ao Polo de Friol para asistir a unha sesión formativa e aprender máis sobre a Intelixencia Artificial e como podes utilizala no teu beneficio.

Nesta actividade poderás coñecer a importancia da IA no teu proxecto, descubrindo as ferramentas que podes poñer á túa disposición e o seu funcionamento. Aprenderás a xerar imaxes, vídeos, optimizar tarefas ou recopilar informes e datos.

O evento terá lugar o mércores 10 de xullo no Polo de emprendemento e apoio ao emprego Friol (Rúa da Deputación nº 18, 1º andar. Friol).

O aforo está limitado a 20 participantes. As prazas resérvanse por orde de inscripción.

Coñecer o mundo das IA é tan interesante como beneficioso, achégate!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar