Impulsando unha Asociación de Comerciantes

Dende 15 de novembro, 2024 - Ata 15 de novembro, 2024

O Polo O Porriño organiza unha sesión de traballo participativa para que as persoas comerciantes de Mos poidan reunirse e explorar as posibilidades e os retos do asociacionismo

Categorías: Conectando o polo co sector...

O Polo O Porriño sabe que as persoas comerciantes de Mos acaban de crear unha asociación para apoiarse mutuamente. Por iso, organiza esta sesión, en colaboración co Concello de Mos, na que as persoas participantes poderán tratar máis a fondo este tema e impulsar a súa asociación.

O programa será o seguinte:

11:00 – 11:15 h. Benvida e apertura do acto

11:15 – 11:30 h. Presentación da Rede de Polos de Emprendemento (Polo de Emprendemento O Porriño)

11:30 – 11:45 h. Situación actual da recente Asociación de Comerciantes de Mos, pola presidenta Carmen Soliño.

11:45 – 12:30 h. Mesa coloquio: boas prácticas e retos para o impulso dunha asociación de comerciantes.

Participan:

Federación de Comercio de Pontevedra (Iván Iglesias Domínguez, presidente).
OVALMI, Asociación de Empresarios e Comerciantes do Val Miñor (Rosa Rodríguez Rodríguez)
Fecimo - Federación de Comerciantes e Industriais Do Morrazo (Pedro Cerqueira)

12:30 – 13:00 h. Café e pinchos

O evento terá lugar o venres, 15 de novembro, no Pazo de Mos (Camiño da Rúa, nº 1, Mos, Pontevedra).

Esta é unha oportunidade única para as persoas comerciantes da zona!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar