Impacto positivo e emprendemento

Dende 19 de xuño, 2024 - Ata 19 de xuño, 2024

Tes interese en integrar a sostibilidade nos teus proxectos de emprendemento e organizacións ou queres coñecer máis sobre os proxectos locais da túa contorna que teñen un impacto positivo? Entón esta formación é a perfecta para ti. Durante esta actividade afondarase no que supón integrar a sostiblidade nun proxecto de emprendemento ou empresa no territorio, daranse a coñecer exemplos inspiradores e reais de impacto positivo e estableceranse conexións e sinerxías entre as persoas que teñan interese en impulsar e apoiar este tipo de iniciativas.

Categorías: Foro/Encontro aberto

Modalidades: Presencial

O programa será o seguinte:  

10:00-10:30 – Benvida e café/networking

10:30-11:30 – Impacto positivo e emprendemento. Conceptos clave e exemplos reais para integrar a sostibilidade no meu proxecto. Alén, cooperativa galega especializada en consultoría e difusión de coñecemento en sostibilidade e economía circular, afondará sobre que significa a sostibilidade para un proxecto de emprendemento e para unha micropeme e en como aterrar de forma práctica o impacto positivo nun negocio.

11:30-12:00 – Conversa: Impacto en primeira persoa. Erea Rodríguez e Cintia Lomba achegarán a súa experiencia como fundadoras de Skeirrum | Escape Rooms Personalizadas, unha cooperativa de Escape Rooms persoalizadas baseada na Guarda. A través do xogo, Skeirrum ofrece experiencias que serven como plataforma para sensibilizar sobre temas ambientais e sociais, por en valor o patrimonio local, impulsar o turismo sostible ou dinamizar o emprendemento no territorio.

A actividade terá lugar o 19 de xuño, no Polo de emprendemento e apoio ao emprego O Porriño

Agardámoste!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar