Impacto positivo e emprendemento

📅  Xoves, 20 de febreiro | 18:00 – 19:50 h

📍  AEDEZA (rúa Otero Pedrayo, nº 24, Baixo, Lalín)
 

A implementación da sostibilidade nas empresas é clave para minimizar o impacto ambiental e promover a eficiencia no uso de recursos. Por eso, a Consultora Alén e o Polo Silleda unen forzas neste evento que busca afondar no que implica integrar a sostibilidade nun proxecto de emprendemento ou empresa, coñecendo exemplos reais e inspiradores de impacto positivo.

Ademais, facilitará a conexión entre persoas interesadas en impulsar e apoiar este tipo de iniciativas. As persoas usuarias aprenderán a no seu proxecto de emprendemento integrar prácticas responsables que permiten equilibrar o crecemento económico coa protección do entorno.

Esta actividade capacitarate para...

• Aprender a integrar a sostibilidade nun proxecto de emprendemento ou empresa
• Coñecer casos reais de negocios con impacto positivo a nivel local
• Establecer conexións e sinerxías

O programa é o seguinte:

17:50 – 18:00 h. Recepción de persoas asistentes e benvida institucional

18:00 – 19:00 h. Impacto positivo e emprendemento: conceptos clave e casos reais

19:00 – 19:30 h. Conversa con David Camba, fundador de BIRDMIND, empresa pioneira na fabricación de taboleiros a partir de residuos doutras industrias

19:30 – 19:50 h. Café e networking

19:50 h. Peche da actividade.

Únete e descubre como facer do teu proxecto unha iniciativa sostible e de impacto positivo! 🌍