Forxando Alianzas: oportunidades e colaboracións entre artesáns

Dende 03 de xullo, 2025 - Ata 03 de xullo, 2025

Este evento de networking está deseñado para conectar artesáns, favorecendo a colaboración e o intercambio de experiencias. A través de conversas, exposicións e dinámicas participativas, os asistentes poderán ampliar a súa rede de contactos e descubrir novas oportunidades de negocios. Un espazo para fortalecer as redes entre o colectivo de artesáns, impulsar a visibilidade do traballo artesanal e fomentar sinerxías entre participantes.

Categorías: Networking da Rede de Polos

Modalidades: Presencial

🗓️ Xoves, 3 de xullo | 11:00 - 13:00
📍 Edificio Sociocultural da Rúa Manuel Rivero, nº 1, Lalín

O sector da artesanía é moi amplo, pero carece dunha rede colaborativa. O Polo Silleda axuda a cambiar a situación a través desta xornada de networking que creará un espazo de encontro para os profesionais do sector.

Tras esta xornada, formarás parte dunha comunidade que intercambia ideas e experiencias, e ata pode levar a futuras colaboracións que consoliden o tecido artesanal galego.

A actividade estrutúrase en dúas dinámicas participativas, para dar a coñecer cada un dos proxectos e aportarse ideas mutuamente. Rematará cunha sesión de networking para fortalecer os contactos establecidos na xornada.

Programa:

11:00 h - Recepción de asistentes e benvida. Presentación da Rede de Polos de Emprendemento
11:10 h - Ronda de presentación dos participantes. Cada participante ten 5 minutos para presentarse e mostrar un obxecto que identifique o seu proxecto. No momento da exposición de cada un dos proxectos, teremos de fondo a súa web/redes.
12:10 h - Dinámica de coñecemento do grupo. Cada persoa terá post it nos que deberá elaborar mínimo unha pregunta / aportación / idea de mellora PARA CADA UN dos proxectos
12:40 h - Petiscos e networking entre os participantes.
12:55 h - Peche de xornada

Hai 30 prazas dispoñibles, non perdas a túa e inscríbete xa para formar parte da rede de artesáns da comarca!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar