Ferramentas de márketing para negocios locais

Dende 21 de maio, 2025 - Ata 21 de maio, 2025

Obradoiro práctico de 3 horas para mellorar a visibilidade de negocios locais en Google, conectar coa clientela por WhatsApp Business e sacar partido ás redes sociais, usando ferramentas sinxelas e eficaces.

Categorías: Formación

Modalidades: Presencial

📅 Mércores, 21 de maio – 10:00-13:00 h

📍 Sede do Polo O Porriño (Rúa Ramiranes, 9)

Tes un pequeno negocio e queres chegar a máis clientela da túa contorna? Este obradoiro está pensado para ti. Durante tres horas, explorarás ferramentas dixitais sinxelas e efectivas coas que poderás mellorar a túa presenza en internet e atraer máis clientela local. Traballaremos con aplicacións que xa coñeces ou que escoitaches falar, como Google Business Profile, WhatsApp Business e as redes sociais, pero darémoslle un enfoque práctico, adaptado á realidade do día a día dun pequeno negocio.

Nesta actividade aprenderás a:

- Optimizar a túa ficha de empresa en Google para aparecer nas buscas locais.

- Utilizar WhatsApp Business como ferramenta profesional de atención ao cliente.

- Aplicar boas prácticas no uso de redes sociais como Facebook e Instagram.

- Deseñar un plan de acción dixital para mellorar a visibilidade do teu negocio.

Programa:

10:00h – Recepción de asistentes e benvida
10:15h – Presentación do Polo de emprendemento e apoio ao emprego O Porriño
10:20h – Exposición teórica sobre:
- Ficha de empresa de Google
- WhatsApp Business
- Redes sociais
11:30h – Quenda de preguntas e resolución de dúbidas
12:00h – Traballo individual sobre o teu proxecto
13:00h – Peche da xornada

Non perdas esta oportunidade de dar un paso adiante no teu negocio. Inscríbete xa!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar