Presentación do proxecto de emprendemento "Cociña de Ancares Terras de Burón"

O Polo de emprendemento e apoio ao emprego A Fonsagrada impulsa dende o mes de maio de 2023, xunto co GDR 3 Montes e Vales Orientais, a iniciativa “A Despensa de Ancares Terras de Burón”.

Neste evento presentaremos os traballos realizados ata o momento, o estado da iniciativa e os próximos pasos a emprender.

Ao mesmo tempo, celebraremos unha “feira” na que os produtores participantes no proxecto presentarán os seus produtos aos responsables dos establecementos, facilitando así o contacto para acadar acordos de colaboración entre eles.

A presentación irá acompañada por unha degustación dos produtos do clube turístico "Cociña de Ancares Terras de Burón".

PROGRAMA:

12.00h Recepción de participantes.

12.10h Benvida. Alcalde de Navia de Suarna, D. José Fernández Fernández, e Presidente GDR 3, D. Carlos López López.

12.20h Presentación dos traballos realizados no marco da iniciativa “A Despensa de Ancares Terras de Burón”, o estado actual do proxecto e os próximos pasos a emprender. GDR 3 (Fe Álvarez, xerente), Polo A Fonsagrada (Iván Sánchez, técnico). 

12.40h Emprendemento feminino no territorio. Dna. Sandra Vázquez, Secretaria Xeral de Igualdade da Consellería de Promoción do Emprego e Igualdade.

12.50h Presentación do proxecto “Amas da Terra” por parte da chef Lucía Freitas.

13.00h Peche da xornada. Dna. Margarita Ardao, Directora Xeral de Emprendemento e Apoio ao Emprego da Consellería de Promoción do Emprego e Igualdade.

13.10h Exposición e degustación de produtos de “Cociña de Ancares Terras de Burón”. Networking entre participantes.

Lugar de celebración: Casa do Chao.
Enderezo: Vilaverde nº3, Navia de Suarna (Lugo).