Fai máis con menos: claves de produtividade para autónomos/as e empresarios/as 

📅 Martes 29 abril | 09:30 - 12:30 h

📍 Sede de COFER (Cantón de Molíns 8-9 Entresollado, Ferrol)

Esta acción formativa ten como obxectivo ofrecer ferramentas prácticas e estratexias eficaces para mellorar a produtividade das persoas autónomas e empresarias. A través dunha metodoloxía dinámica e aplicada, analizaranse os principais bloqueos que afectan á xestión do tempo e da carga de traballo no día a día profesional.

Durante a sesión abordaranse cuestións clave como:

• A planificación efectiva e a organización diaria

• A definición de prioridades e a eliminación de tarefas innecesarias

• Técnicas para manter o foco e reducir a dispersión

• A creación de hábitos que favorezan unha maior eficiencia sen aumentar a carga laboral

Trátase dunha formación orientada a obter resultados reais, pensada para aquelas persoas que queren optimizar o seu tempo e facer máis... con menos.