O Polo de emprendemento e apoio ao emprego Mondoñedo organiza unha xornada co obxectivo transversal de seguir a impulsar a comunidade emprendedora da zona de Mondoñedo, continuando o traballo iniciado en eventos e reunións previas, favorecendo a interacción e colaboración entre as persoas emprendedoras da contorna.

Búscase promover o espírito emprendedor e axudar ao intercambio de ideas entre as persoas asistentes, visibilizando os erros que suceden ao longo do camiño emprendedor para aprender deles.

O programa será o seguinte:

10:45 - 11:00 h. Benvida as persoas participantes

11:00 - 11:10 h. Intervención de Raquel Braña Cuadrado, técnico do Polo de Mondoñedo, explicando brevemente o obxectivo da xornada

11:10 - 12:30 h. Comezo do Obradoiro con todas as persoas emprendedoras

12:30 - 12:45 h. Conclusións finais

12:45 h. Peche da xornada

O evento terá lugar na sede do Polo Mondoñedo (Rúa Julia Pardo Montenegro nº 13, Mondoñedo, Lugo) o mércores, 11 de decembro.

Es da zona de Mondoñedo? Queres coñecer máis persoas con espírito emprendedor? Inscríbete!