Emprendemento para o aproveitamento e conservación do medio natural

Dende 25 de xuño, 2024 - Ata 25 de xuño, 2024

Actividade de visibilización de posibilidades de emprendemento eficiente de aproveitamento do monte e fincas da nosa contorna, fomentando a necesidade de formación nestas áreas

Categorías: Foro/Encontro aberto

Modalidades: Presencial

O Polo de emprendemento e apoio ao emprego Mondoñedo e a CFEA Pedro Murias organizan esta actividade de visibilización de posibilidades de emprendemento eficiente do monte e fincas da nosa contorna, fomentando a necesidade de formación.

A actividade constará de dúas partes:

Presentacións técnicas e de proxectos xa en marcha: achega formativa de aproveitamento e conservación do medio natural e produción agroecolóxica. Participación de persoas emprendedoras que compartirán o seu proxecto: Suso López Penabad (un dos fundadores de Shiifos Micología, empresa dedicada á plantación natural e comercialización de fungos shitake, maitake e reishi) e Pako López (emprendedor do polo e fundador de Mel do Capón, explotación apícola que moderniza as técnicas de produción e aposta pola cría de especies autóctonas).

Foro aberto de cuestións relativas ás propostas: interacción entre os poñentes e o público sobre os temas tratados.

O encontro terá lugar o 25 de xuño no Centro de Formación e Experimentación Agraria Pedro Murias en Ribadeo.

Agardámoste!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar