Difusión da cultura emprendedora no IES Monte Castelo - FOL

O Polo de emprendemento de Mondoñedo imparte unha charla de difusión da cultura emprendedora dirixida ao alumnado de Formación e Orientación Laboral (FOL) do IES Monte Castelo, en Burela. Esta acción pretende achegar o emprendemento como unha alternativa real ao emprego por conta allea, reforzando a capacidade do estudantado para identificar oportunidades de autoemprego no seu contorno e tomar decisións informadas sobre o seu futuro profesional. Nun contexto como o da Mariña lucense, onde os cambios económicos e sociais afectan especialmente á inserción laboral da mocidade, o emprendemento preséntase como unha vía eficaz para xerar valor, autonomía e arraigo no territorio. A sesión combinará exemplos prácticos, reflexión participativa e orientación sobre os primeiros pasos para emprender.