📅 Xoves, 29 de maio | 16:30–18:00 h
📍 Sede do Polo Silleda

Se traballas con produtos como a castaña, a mazá ou os cultivos da horta, e estás buscando unha maneira de facer medrar o teu proxecto, quizais este sexa o impulso que precisas. Ás veces, o salto está en transformar o que xa fas ben para darlle máis valor, diferenciarte e abrir novas oportunidades.

Neste encontro organizado desde o Polo de Silleda queremos presentarche os espazos de transformación alimentaria, lugares compartidos e profesionais onde poder dar forma a novos produtos sen necesidade de realizar grandes investimentos. Falaremos de iniciativas que xa están funcionando en Galicia e escoitaremos historias reais de persoas que, como ti, un día decidiron ir un paso máis alá.

Programa:

16:30 h – Recepción e benvida
16:35 h – Presentación do Polo de Silleda
16:40 h – Faladoiros con proxectos convidados:
• A Fusquenlla – Centro de transformación de produtos do agro
• Daquidarredor – Iniciativa colaborativa con produtores locais
• Consello Regulador da IXP Castaña de Galicia
• Unións Agrarias – Oficina da Estrada
17:10 h – Espazo de conversa e debate
18:00 h – Peche da sesión

Se estás pensando en dar un xiro ao teu proxecto ou en comezar algo novo a partir do que produces, esta é a túa actividade. Inscríbete e descubre todo o que pode ofrecerche un espazo compartido de transformación.