Crea a túa marca explorando na súa identidade

Dende 23 de maio, 2024 - Ata 23 de maio, 2024

O Polo de emprendemento e apoio ao emprego Melide organiza unha actividade formativa para explorar a identidade visual das marcas e crear unha propia

Categorías: Formación

Neste obradoiro as persoas participantes explorarán como funciona e en que consiste a identidade visual das marcas e aprenderán a identificar a súa propia. Desde a creación dun logotipo ata a definición do nome e mensaxes de impacto, coñecerán os pasos fundamentais para transmitir a esencia e personalidade dos seus proxectos emprendedores.

O programa será o seguinte:

10:00-10:10 h. Recepción das persoas asistentes e benvida. 

10:10-10:15 h. Presentación do evento.

10:15-10:30 h. Presentación dos proxectos emprendedores participantes.

10:30-11:00 h. Desenvolvemento da actividade formativa liderada por Erisbel Borges Pérez, José Luis González Muñoz e Bryan Taylor Reveron, promotores e fundadores da consultora de innovación e tecnoloxía e márketing dixital PRECISE FUTURE, atendendo o seguinte programa:

Fundamentos para desenvolver a túa marca persoal.
Arquetipo, o rol e o ton de voz da túa marca.
O valor do uso da IA no deseño da túa marca.

11:00-11:30 h. Espazo de networking e pausa para o café.

11:30-12:30 h. Obradoiro de xeración de ideas a través de mesas de traballo en conxunto.

12.30-12:45 h. Exposición dos resultados obtidos.

12:45-13:00 h. A importancia de deseñar unha estratexia de comunicación e posicionamento da túa marca.

13:00 h. Peche da xornada.

A actividade terá lugar o 23 de maio, no Espazo multidisciplinar Melchor & Gaspar, Rúa da Raiña, nº 18, 15705, Santiago de Compostela.

Se non te sentes seguro identificando a túa marca ou os elementos gráficos asociados ao teu proxecto emprendedor, esta actividade é para ti, anímate e participa!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar