Conectando o Polo con novas oportunidades: programa Erasmus Emprendedores e programa impulso co talento xoven Xunta Galicia

Dende 11 de abril, 2025 - Ata 11 de abril, 2025

Descubre como os programas Erasmus para Emprendedores e a participación do talento novo poden impulsar o teu proxecto de negocio e abrir novas oportunidades. Escoita testemuños, resolve dúbidas e conecta con expertos.

Categorías: Conectando o polo co sector...

Modalidades: Híbrida (presencial+streaming)

📅 Venres, 11 de abril | 10:00-12:30 h
📍 Cámara de Comercio de Santiago de Compostela (modalidade híbrida con conexión en liña)

Se es emprendedor/a ou tes unha pequena empresa e buscas novas formas de crecer, esta xornada é para ti! O venres 11 de abril, a Cámara de Comercio de Santiago de Compostela acollerá un encontro pensado para dar a coñecer os programas Erasmus para Emprendedores e o programa de impulso das startup co talento novo, dúas iniciativas que che permitirán explorar novos mercados, fortalecer as túas capacidades e conectar con profesionais doutros países.

Nesta sesión descubrirás como estas oportunidades poden axudarche a gañar confianza no teu proxecto, aprender de experiencias reais e acceder a novas formas de facer negocio. Terás acceso a expertos que explicarán a operativa dos programas e a testemuños de emprendedores que xa viviron esta experiencia, tanto como participantes como empresas de acollida.

Ademais, será un espazo perfecto para resolver dúbidas, intercambiar ideas e facer networking con outros emprendedores, entidades e estudantes interesados no emprendemento.

Programa:

10:00 h – Recepción de asistentes e benvida.

10:05 h – Presentación do Polo e os seus servizos.

José Vaamonde, Asesor de Emprendemento, Polo de Melide.
Rosa Corral, Asesora de Emprendemento, Polo de Melide.

10:15 h – Presentación dos Programas de Emprendemento da Cámara de Comercio.

Sandra Becerra, Responsable do Departamento de Creación de Empresas e Viveiro de Empresas.
Sheila Romero, Técnica do Programa Emprendedoras (Apoio Empresarial ás Mulleres Emprendedoras).

10:25h- Presentación do Programa Piloto "Innovación e Talento Xove Xunta de Galicia - U4IMPACT".

Marta Mariño, Directora Xeral de Traballo Autónomo e Economía Social.

10:40 h – Presentación dos Programas Erasmus Xóvenes Emprendedores.

Belén Mendoza, Responsable de Proxectos da Cámara de Comercio de Santiago de Compostela e Coordinadora do Programa Erasmus for Young Entrepreneurs.
- Presentación Erasmus Novo Emprendedor.
- Presentación Erasmus Emprendedor/Empresario de acollida.
- Potencialidades e obxectivos.
- Requisitos.
- Operativa de participación.
- Xestión do intercambio.

11:00 h – Presentación de experiencias de participantes nos Programas.

Testemuño dunha emprendedora en intercambio: Ana Pérez Puga (Erasmus Italia).
Testemuño dunha empresa/proxecto emprendedor de acollida: Ignacio Márquez, promotor do proxecto Rural Hackers (Erasmus Singapur).

11:20 h – Rolda de preguntas e intercambio de experiencias coas iniciativas participantes.

11:30 h – Espazo de networking e petiscos.

12:00 h – Peche da xornada.

Se queres impulsar o teu proxecto e coñecer novas formas de crecer profesionalmente, non perdas esta oportunidade!

Información adicional

ColaboradoresCámara de Comercio de Santiago de Compostela e

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar