O Polo Baños de Molgas organiza unha actividade co obxectivo de mellorar a comunicación en liña das persoas asistentes e dar a coñecer o caso de éxito de Kuatro Marketing, proxecto fundado por Andrés e Adrián que ante unhas ofertas laborais precarias e limitadas viron o emprendemento como alternativa. Ambos emprendedores xuntaron as súas formacións en administración de empresas e enxeñaría de telecomunicacións para crear unha nova liña de negocio dirixida a mellorar a visibilidade para as pequenas empresas.

As persoas asistentes tamén poderán ver exemplos prácticos do traballo de Kuatro Marketing e traballar con diferentes ferramentas e estratexias dispoñibles.

O programa será o seguinte:

11:00-11:10 h.  Recepción de asistentes e benvida. Presentación da poñente da xornada.

11:05-11:10 h. Presentación do programa da xornada e do contido a tratar. Presentación da Rede de Polos de emprendemento.

11:10-11:40 h. Charla inspiracional: A historia de Kuatro Marketing

11:40-12:30 h. Taller de ferramentas e estratexias dispoñibles: Introdución dos primeiro pasos na comunicación dixital 

12:30-12:40 h. Rolda de preguntas

12:40-12:55 h. Petiscos e networking

12:55 h.  Peche de xornada

O evento terá lugar no Fogar dos Maiores (Rúa Campo da Barreira nº 3, Allariz, Ourense) o venres, 20 de decembro.

Inscríbete e non perdas esta xornada!