📅 Venres, 13 de xuño | 12:30–14:30 h
📍 Aula do Centro Sociocomunitario de Tui

O emprendemento é un camiño cheo de aprendizaxes, oportunidades e desafíos. Ademais da xestión, planificación ou financiamento, tamén require coidarse, manter o equilibrio emocional e dispoñer de ferramentas para xestionar a incerteza e o estrés de forma saudable e sostible. Por iso, desde o Polo de Emprendemento do Porriño, en colaboración coa Fundación Ronsel, poñemos o foco nun aspecto clave e, moitas veces, esquecido: o benestar das persoas emprendedoras.

Este obradoiro práctico, conducido por Rebeca Ponte, responsable da nova Área de Benestar Sociolaboral e Saúde Comunitaria da Fundación Ronsel, achegará ferramentas sinxelas e efectivas para traballar o autocoidado, reducir o estrés e mellorar o benestar físico e emocional no día a día do emprendemento.

Partiremos dunha reflexión sobre os retos emocionais que afrontan os proxectos persoais e empresariais, para pasar despois á práctica con exercicios de activación, autoxestión do estrés, movemento consciente e comunicación eficaz.

Programa:
12:30 h Recepción de asistentes
12:35 h Desenrolo teórico da actividade

• Factores que alteran o benestar e a saúde

• Información clave para a mellora do benestar físico e emocional dos autónomos emprendedores do sector comercio

• Claves básicas de autocuidado para emprendedores

13:05 h Desenrolo práctico da actividade

• Ferramentas básicas para osixenación

• Exercicio práctico activación glándula Timo

• Exercicio para activar sistema parasimpático, aprendizaxe de auto masaxe nervio Vago para regular niveis de cortisol producidos por estrés

• Exercicio táboa de micro movemento para activación de retorno sistema circulatorio e linfático

• Traballo básico de PNL para emprendedores, xestión da incerteza e o desafío da comunicación social

• Exercicio final de cohesión grupal para reforzar o sentido de pertenza

14:05 h Dúbidas e conclusións
14:30 h Petiscos e networking

Se estás a emprender ou lideras un pequeno proxecto, coidarte tamén é parte do camiño. Este obradoiro é unha oportunidade para parar, respirar e incorporar ferramentas prácticas que che axudarán a xestionar mellor o estrés, a comunicación e a saúde emocional no día a día.