Un mercado de oportunidades: deseñando produtos e servizos para maiores de 50 anos

Ante os retos que supón a transformación demográfica, o Polo de emprendemento e apoio ao emprego Silleda xa tiña realizado un evento enfocado ás persoas de máis de 50 anos que decidiran dar o paso e emprender. Nesta ocasión, a actividade centrarase neste colectivo como “prosumers”, é dicir, nas persoas consumidoras que participan no proceso de deseño de produtos e servizos, para que estes elementos se adapten ás súas necesidades e demandas. Ademais, tamén se lles ofrecerá testar e mellorar os seus produtos e servizos coas aportacións do seu público obxectivo. 

O programa será o seguinte:  

10:00-10:10 h. Presentación do programa de Polos de emprendemento e apoio ao emprego. 

10:10-10:30 h. Relatorio sobre a “Economía prateada: elementos definitorios, retos e oportunidades” ao cargo de Ramón Santorio, voluntario sénior de asesoramento empresarial na SECOT (Seniors Españoles para a Cooperación Técnica).

10:30-11:15 h. Actividades para buscar colaboración entre as persoas emprendedoras e potenciais clientes: 

• Buscalumes: xogo de cartas que se enfoca en traballar diferentes habilidades como a axilidade mental ou a habilidade visual. 

• Antifráxil: programa de adestramento multicompoñente que traballa forza, resistencia, equilibrio, flexibilidade, sociabilidade e xogo. 

• Abundanthia: proporciona educación financeira. 

• MoiNosas: traballo corporal, contorna natural e manualidades.  

11:15-11:35 h. Pausa para o café. 

11:35-12:15 h. Exposición da proposta inicial e da proposta mellorada con todo o grupo. 

12:15-12:30 h. Peche da xornada. 

O evento terá lugar o 15 de marzo, no Hotel Palacio (Rúa Matemático Rodríguez, nº 10, Lalín)