Novas
-
10/10/2025
A Xunta anima en Edugal ás novas xeracións a emprender no eido musical ou na artesanía
O secretario xeral de Emprego e Relacións Laborais, Pablo Fernández, presentou o proxecto ‘O camiño do emprendemento musical’ na xornada de clausura do 14º Salón da Educación e Formación de Galicia, que arrancou o mércores en Pontevedra. No posto fixo da Consellería de Emprego, Comercio e Emigración no que se informou sobre inserción laboral ou emprendemento organizáronse ademais diferentes obradoiros de cerámica e estampaxe para alentar novas vocacións artesás. Ademais, Pablo Fernández participou na entrega de premios da 4ª edición dos ecommerce days, que se celebrou no Pazo da Cultura de Pontevedra e que son o broche final destas xornadas centradas no comercio electrónico e no márketing dixital
-
08/10/2025
A Xunta potenciará a formación en oficios tradicionais con bolsas para aprendices co fin de promover a remuda xeracional no eido da artesanía
Esta medida estará dotada con 1 M€ coa previsión de chegar a uns 50 aprendices e complementará ao programa formativo Aprender da tradición. Oficios e técnicas. José González puxo en valor o oficio da carpintería de ribeira, que require dun proceso artesanal minucioso e dun coñecemento rigoroso da materia e no que Galicia é referente grazas ao saber facer dos seus profesionais e ao papel de Agalcari. Subliñou a importancia de visibilizar esta actividade con accións como os encontros de embarcacións tradicionais, que enxalzan o patrimonio cultural da gran variedade de embarcacións tradicionais de Galicia e que contan co apoio do Goberno galego. Reafirmou o compromiso do Executivo autonómico cos oficios artesáns e coa artesanía como motor económico no rural, a través da Fundación Artesanía de Galicia e reflectido no Plan Estratéxico do Comercio 2025-2030
-
07/10/2025
Manuel Pardo salienta o labor dos polos de emprendemento na dinamización da economía e creación de emprego
Manuel Pardo animou aos representantes da Fundación Secretariado Xitano a explorar a vía do emprego por conta propia como garante de desenvolvemento persoal e socioeconómico na contorna, apostando pola retención de talento en Galicia. O Polo de emprendemento do Carballiño atende unha área xeográfica de 31 concellos pertencentes ás comarcas do Carballiño, O Ribeiro e Ourense. Desde a súa posta en marcha, en marzo de 2023, desenvolveu 911 titorías que beneficiaron a 337 persoas
-
03/10/2025
A Xunta salienta o dinamismo da mocidade emprendedora de Ourense nun contexto de paro xuvenil en mínimos históricos para un mes de setembro
José González subliñou o compromiso con seguir impulsando novas oportunidades profesionais para os máis novos, tanto por conta propia como allea, como factor estratéxico para o desenvolvemento do tecido socioeconómico de Galicia. Destacou que a Xunta pon a disposición das persoas emprendedoras o apoio e asesoramento da Rede de polos, cuxas oficinas da provincia de Ourense xa contribuíron á creación de preto de 110 negocios. Reiterou o compromiso co tecido autónomo incidindo que entre 2020 e 2024, os profesionais ourensáns beneficiáronse de máis de 20 millóns de euros en liñas de axuda específicas e noutras medidas de apoio ao emprendemento. Sinalou a importancia da colaboración público-privada para fortalecer o ecosistema emprendedor galego, salientando o papel de entidades como AJE Galicia e AJE Ourense, e a importancia de ser unha administración facilitadora
-
30/09/2025
A Xunta reafirma en Vigo a súa aposta estratéxica polo emprendemento ligado ao territorio e o impulso ao talento mozo como motor de riqueza e emprego
José González destacou que Galicia pon a disposición das persoas emprendedoras todos os recursos necesarios para facilitar a posta en marcha dos seus negocios a través de canles como a Rede de polos, que leva atendidos xa máis de 4.800 proxectos
-
Destacadas
-
23/10/2025
-
23/10/2025
-
23/10/2025