A Xunta participa na Estrada nunha xornada de fomento da resiliencia no emprendemento no marco da rede de Polos

O secretario xeral de Emprego e Relacións Laborais, Pablo Fernández, participou esta mañá na Estrada no peche da  xornada Emprender superando retos persoais -na que tamén estivo presente o alcalde do municipio, Gonzalo Louzao- organizada polo Polo de emprendemento e apoio ao emprego de Silleda. Con esta iniciativa búscase conectar a persoas emprendedoras que superaron obstáculos persoais e poder aprender da súa experiencia.

Neste senso, Pablo Fernández destacou a necesidade de realizar este tipo de actividades para fomentar a resiliencia e inspirar a outras persoas que queiran emprender, mostrándolles que os desafíos iniciais poden ser realmente motores de cambio.  Esta actividade súmase ás máis de 80 realizadas polo Polo de Silleda entre reunións con entidades, accións de formación e eventos da rede. Desde a a súa creación no ano 2022, o Polo de Silleda leva un total de 313 proxectos atendidos, resaltando que actualmente o número de mulleres emprendedoras se atopa no 61 % do total dos asesorados.