Xornada informativa sobre o programa Vilas Vivas

Dende 10 de marzo, 2026 - Ata 10 de marzo, 2026

Queres abrir teu propio local en Ribadavia? Co programa Vilas Vivas - programa de dinamización comercial podes facelo realidade. Descubre como participar e dá o impulso definitivo ao teu proxecto

Categorías: Networking da Rede de Polos

Modalidades: Presencial

🗓️ Martes, 10 de marzo I 11:30 h - 13:30 h

📍 Casa da cultura de Ribadavia. R/ Celso Emilio Ferreiro, n4, Ribadavia, Ourense

O programa Vilas Vivas - programa de dinamización comercial continúa abrindo portas a novas oportunidades para o emprendemento comercial e artesanal. Tras o éxito acadado no primeiro concurso de locais, no que dous emprendedores do Polo xa están instalados en Ribadavia, queremos seguir dando a coñecer esta iniciativa para que máis persoas poidan facer realidade o soño de contar cun espazo comercial propio.

Se tes un proxecto emprendedor, es artesán ou produtor e buscas un lugar onde desenvolver unha proposta diferencial, esta actividade organizada polo Polo polo de O Carballiño en colaboración con Rural Consulting é para ti. O programa Vilas Vivas aposta por revitalizar o comercio local, impulsar o talento e ofrecer oportunidades para instalar proxectos con identidade propia en contornas con encanto e potencial económico.

Durante a xornada realizarase unha presentación das características do programa Vilas Vivas, explicando de maneira clara e práctica en que consiste, que vantaxes ofrece e cales son os pasos necesarios para formar parte del. Será unha oportunidade para resolver dúbidas, coñecer os requisitos de participación e descubrir como transformar unha idea nun proxecto comercial real nunha vila con futuro.

O programa busca especialmente apoiar a artesáns e produtores que queiran desenvolver un emprendemento con valor diferencial, promovendo negocios que acheguen cultura, tradición, creatividade e calidade ao tecido comercial do territorio.

Se estás pensando en dar un paso máis co teu proxecto, esta pode ser a oportunidade que estabas agardando. Non deixes pasar a ocasión de coñecer como formar parte de Vilas Vivas, descubrir novas posibilidades para o teu negocio e explorar un modelo de emprendemento que conecta talento, territorio e oportunidade.

Anímate a participar e dá o seguinte paso cara ao teu futuro profesional.

Programa

11:30 h - Benvida, presentación e recepción de invitados
Presentación do proxecto Vilas Vivas e das súas características

11:40 h - Explicación dos pasos a seguir polos interesados na solicitude dos baixos comerciais

12:40 h - Preguntas e dúbidas

13:00 h - Networking con petiscos

13:30 h - Peche da xornada

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar