Xornada Demo Day programa "IMPULSA A TÚA START UP CO TALENTO NOVO UNIVERSITARIO"

Dende 23 de xuño, 2025 - Ata 23 de xuño, 2025

O próximo luns 23 de xuño ás 12:00 h, a Cidade da Cultura de Galicia en Santiago de Compostela acollerá o evento Demo Day organizado por U4IMPACT en colaboración coa Xunta de Galicia. Este acto celebra a conexión entre o talento universitario e o ecosistema emprendedor galego, destacando os resultados do programa piloto desenvolto durante o curso 2024/2025.

Categorías: Foro/Encontro aberto

Modalidades: Presencial

🗓️ Luns, 23 de xuño | 12:00 - 14:00 h

📍 Cidade da Cultura de Galicia (Edificio Fontán), Monte Gaiás s/n. Santiago de Compostela

A mocidade precisa de oportunidades para amosar o que poden aportar ao mercado laboral, e as persoas emprendedoras precisan talento novo que incorporar aos seus proxectos. U4IMPACT e a Xunta de Galicia tenden unha ponte entre ambas, e nesta xornada poderás coñecer os resultados desta colaboración.

Nesta actividade presentaranse os resultados do programa piloto 2024/2025, no que estudantes universitarios traballaron de foma colaborativa con emprendedores galegos da Rede de polos de emprendemento e apoio ao Emprego, no desenvolvemento de retos reais vinculados á innovación, sustentabilidade, dixitalización e impacto social.

Estes proxectos, desenvoltos no marco de traballos de fin de grao e mestrado, reflicten o compromiso coa empregabilidade xuvenil e o desenvolvemento territorial sostible.

O evento contará coa participación de representantes institucionais, subliñando o respaldo ao fortalecemento da colaboración entre o ámbito académico e o tecido empresarial galego.

Durante a xornada, compartiranse aprendizaxes e testemuños de quen participou nesta experiencia, coa presenza de representantes institucionais da Xunta de Galicia.

Ao finalizar, dispoñeremos dun espazo distendido cun pequeno cátering, onde poderemos seguir conversando de forma informal e coñecer de preto a algunhas das persoas que formaron parte do programa.

Programa:
12:00 h - Apertura institucional a cargo de representantes da Xunta de Galicia
12:10 h - Presentación U4IMPACT: propósito, metodoloxía e impacto do programa
12:20 h - Presentación do programa Xunta - U4IMPACT "Impulsa a túa Start Up co talento novo": obxectivos e resultados
12:30 h - Intervencións das persoas emprendedoras e o estudantado participante: casos destacados de colaboración real, testemuñas e aprendizaxes clave
13:10 h - Peche institucional
13:20 h - Catering - Espazo de networking informal

Se non coñeces o programa Xunta - U4IMPACT, ven e descubre todo o talento que a mocidade pode aportar ao ecosistema emprendedor!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar