Turismo 2025: dixitaliza, posiciona e fai rendible o teu aloxamento

Dende 05 de novembro, 2025 - Ata 05 de novembro, 2025

Xornada práctica para dixitalizar, destacar e facer rendible o teu proxecto turístico, mantendo a súa autenticidade. Inspírate con casos reais, participa en talleres prácticos e conecta con outras persoas emprendedoras do territorio

Categorías: Networking da Rede de Polos

Modalidades: Presencial

🗓️ Mércores, 5 de novembro | 10:00 a 13:30 horas

📍 Pazo Vista Real. Camiño de Boutrín, 7, Vilanova de Arousa, Pontevedra

O turismo en Galicia está a transformarse, e ti podes ser parte dese cambio. Se tes un aloxamento rural, estás a emprender no sector turístico ou queres darlle un novo pulo ao teu proxecto, esta é a túa cita!

O Polo de emprendemento e apoio ao emprego de Vilanova de Arousa acollerá o vindeiro 5 de novembro a xornada Turismo 2025: dixitaliza, posiciona e fai rendible o teu aloxamento, unha mañá chea de aprendizaxe onde poderás descubrir como mellorar a visibilidade en liña, atraer hóspedes ideais, optimizar reservas directas e poñer en valor a experiencia do cliente como ferramenta de fidelización.

Da man de Paula Tilve, consultora estratéxica especializada en hoteis independentes, descubrirás como dar visibilidade ao teu proxecto e aumentar a rendibilidade sen perder autenticidade. A sesión incluirá tamén o testemuño inspirador de Antía Vázquez, creadora de “O legado de Ramira”, un exemplo de turismo con propósito e identidade no corazón do Salnés.

A xornada rematará cun espazo de café-networking, pensado para conectar persoas emprendedoras e fomentar sinerxías no territorio.

🗓️ Programa da xornada

10:00 – 10:10 h

Benvida e presentación da actividade

10:10 – 11:10 h

🔹 "Os 3 piares dun aloxamento rendible: visibilidade, diferenciación e experiencia de cliente"
Con Paula Tilve. Casos reais e aprendizaxes prácticas.

11:10 – 11:40 h

🔹 Caso inspirador: O Legado de Ramira (Pontearnelas)
Con Antía Vázquez, propietaria e impulsora. Da idea ao proxecto real.

11:40 – 12:30 h

🔹 Taller práctico: deseña a estratexia do teu aloxamento en 5 pasos
Modelo guiado para poñer a funcionar a túa proposta turística con xeito.

12:30 – 13:00 h

🔹 Preguntas, reflexión e titorización express.

13:00 – 13:30 h

Café-networking entre participantes e poñentes.

Atrévete a dar o seguinte paso no teu proxecto turístico e conecta coa nova forma de viaxar, comunicar e emprender en Galicia!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar