15 de outubro, 3 meses de duración

Sedes do Polo de Mondoñedo

Semipresencial

O panorama tecnolóxico está en constante cambio, a través de ferramentas como as IAs, os CRM e a omnicanalidade. Porén, hai que aprender de xeito continuo a manexar estas novas ferramentas para implementalas nos negocios e impulsar a súa competitividade e visibilidade. 

Este itinerario organizado desde os Polos Friol e Mondoñedo en colaboración co IGAPE e EOI permitirache adquirir os coñecementos precisos para deseñar e executar un plan comercial orientado ao crecemento da túa empresa. 

Obxectivos

• Aplicar novas técnicas de vendas e xestionalas con criterio.
• Destacar os atributos que máis valoran as túas clientelas.
• Deseñar experiencias de compra memorables.
• Entender como a IA aporta contido e información se se usa con responsabilidade.
• Negociar con técnicas persuasivas apoiadas en IA.
• Detectar necesidades e adaptar a oferta.
• Tomar decisións con datos (CRM e automatización).

Duración e certificación

Itinerario de 3 meses: 45 h lectivas presenciais + 18 h de titorías online + 30 h de traballo do alumnado (93 h no diploma). Emítese diploma acreditativo ao superar os requisitos de asistencia e o proxecto final.

Temario (resumo)

• O novo mundo das vendas: físico + dixital.
• Técnicas para atraer clientela.
• Storytelling para vender.
• Persuasión e neurovendas.
• Demos que pechan vendas.
• Venda consultiva: escoitar para vender.
• Creación de contidos que venden.
• Negociación sen medo e con axuda da IA.
• Mellora da tenda online e presenza dixital.
• Automatización e toma de decisións con datos.
• Aspectos legais e financeiros.
• Fidelización e networking.

Como participar?

Inscrición gratuíta para persoas emprendedoras e pemes da Rede de Polos da Xunta de Galicia. Prazas limitadas. Aberto o prazo de inscripción ata o 15 de outubro.

Descubre como aplicar as técnicas máis novidosas para fomentar o crecemento do teu negocio e inscríbete.