Tecendo colaboracións ca Asociación de Venezolanos do Deza

Dende 25 de xuño, 2026 - Ata 25 de xuño, 2026

Esta xornada é un espazo de encontro entre a comunidade venezolana do Deza e o Polo de Silleda para compartir experiencias, coñecer recursos de emprendemento e xerar novas conexións que impulsen ideas e proxectos na comarca.

Categorías: Networking da Rede de Polos

Modalidades: Presencial

🗓️ Xoves, 25 de xuño I 19:00 h - 20:30 h

📍 Sede da Asociación de Venezolanos do Deza. R/ Memorias dun Neno Labrego, n14, 1º. Lalín, Pontevedra

Na comarca do Deza están a convivir historias de chegada, de adaptación e tamén de novas oportunidades. Moitas persoas venezolanas escolleron este territorio para comezar de novo, creando vínculos, rede e comunidade.

E cando as persoas se atopan, tamén nacen ideas, proxectos e ganas de emprender.

Esta xornada, organizada polo Polo de emprendemento e apoio ao emprego de Silleda en colaboración coa Asociación de Venezolanos del Deza, nace precisamente para iso: para abrir un espazo de encontro real entre a comunidade venezolana do Deza e o Polo de Silleda. Un lugar onde falar sen présas, compartir experiencias, escoitar necesidades e descubrir que recursos existen para dar forma a novas iniciativas.

Non é unha charla ao uso, senón un punto de encontro vivo, con conversa, participación e moitas ganas de conectar.

Aquí poderás coñecer de primeira man os servizos de apoio ao emprendemento, expresar as túas ideas ou dúbidas, descubrir oportunidades no territorio e, sobre todo, atopar outras persoas coas que sumar camiños.

Porque ás veces, o máis importante non é só ter unha idea… senón saber que non a tes que construír soa.

Un espazo para sentirte parte, para inspirarte e para empezar a facer rede no teu novo fogar.

Agardámoste para compartir, conectar e seguir medrando xuntas e xuntos.

Programa:

19:00 h - Recepción de asistentes e benvida

Presentación do Polo de Emprendemento de Silleda e dos seus servizos

19:10 h - Presentación da Asociación de Venezolanos do Deza: funcionamento, servizos e retos actuais

19:30 h - Dinámica participativa: “A miña chegada ao Deza”

Espazo de diálogo en pequenos grupos para compartir: principais dificultades atopadas, necesidades actuais, recursos que botaron en falta, oportunidades detectadas na comarca.

20:00 h - Espazo de petisco-networking emprendedor.

Presentación de ideas e proxectos, intercambio de contactos, detección de intereses comúns e posibles liñas de cooperación.

20:30 h - Peche da xornada

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar