🗓️ Mércores, 9 de setembro I 10:00 h - 12:15 h 

📍 Sede do Polo de Melide. R/ Convento, n1, Melide, A Coruña 

Cada proxecto ten detrás unha historia, pero tamén retos compartidos: a conciliación, o acceso a oportunidades, a creación de contactos ou a necesidade de atopar persoas coas que colaborar. Por iso nace " Tecendo alianzas: mulleres emprendedoras en conexión" unha xornada, organizada polo Polo de Melide en colaboración con Alecrin - Asociación de Mulleres Rurais da Comarca de Melide e Medrando Xuntas, pensada para conectar mulleres emprendedoras e converter as experiencias individuais en forza colectiva.

Ao longo da mañá participaremos en dinámicas de grupo, compartiremos ideas e abriremos un diálogo co colectivo Medrando Xuntas, que achegará a súa experiencia en liderado feminino, cooperación e economía social.

Un espazo para inspirarte, facer networking de verdade e saír con novas conexións e posibles colaboracións.

Inscríbete e tece novas alianzas!

Programa: 

10:00 h - Recepción de asistentes e benvida.

10:05 h - Presentación da xornada

Contextualización, obxectivos e explicación da metodoloxía participativa

10:15 h - Dinámica participativa

Traballo do grupo estruturado en 3 bloques:

- Retos e atrancos: Que dificultades atopas no teu emprendemento?

- Oportunidades: Que fortalezas ou oportunidades identificas?

- Cooperación: Como podemos colaborar entre nós?

Resultados nun panel agrupando ideas propostas/temática.

10:35 h - Diálogo aberto con Medrando Xuntas

Presentación do colectivo Medrando Xuntas e espazo de conversa no que as participantes poden formular preguntas directamente ás integrantes de Medrando Xuntas, que compartiran experiencias, boas prácticas e claves para impulsar o liderado feminino, así como fórmulas de cooperación e creación de iniciativas en economía social.

11:00 h - Pausa-café 

11:30 h - Ordenación de ideas e propostas de acción

Revisión conxunta das achegas e identificación de prioridades.

Definición de posibles liñas de traballo: creación de redes, colaboracións concretas e vías para reforzar o liderado feminino.

12:00 h - Conclusións

Síntese final, recollida de impresións e definición de posibles seguintes pasos.

12:15 h - Peche da xornada