🗓️ Mércores, 19 de agosto I 11:00 h - 13:00 h 

🖥️ En liña 

Queres construír un storytelling estratéxico para o teu negocio? Aquí tes unha boa oportunidade de aprender a facelo e levalo a cabo. O Polo de Verín desenvolve esta actividade destinada a persoas emprendedoras en fase inicial ou de redefinición, profesionais que desexan lanzar un proxecto persoal e calquera persoa que busque estruturar unha idea con coherencia interna e aliñamento vital. Un obradoiro práctico online que axuda a:

• Construír un relato claro e estruturado dun proxecto.

• Definir as dificultades, o proceso e o propósito.

• Mostrar como tomar decisións máis conscientes e iniciativas sostibles e coherentes coa persoa emprendedora.

• Identificar con precisión o que (o conflito ou necesidade central), o como (a acción e o proceso) e o para que (o propósito e a transformación).

PROGRAMA

11:00 h - Benvida e presentación.

11.10 - Primeira aproximación aos elementos básicos da narrativa clásica e como aplicalos ao deseño e desenvolvemento de ideas e proxectos emprendedores.

11.30 - Identificar os elementos traballando a narrativa non só como técnica de comunicación, senón como un marco de reflexión e arquitectura interna do proxecto.

12.00 - Obradoiro práctico: combinando unha exposición teórica e concisa con exercicios prácticos guiados de planificación visual e escrita.

12.50 - Peche e resolución de dúbidas.

Inscríbete!