Storytelling de Territorio: IXP Terras do Navia, definir, redactar e activar.

Dende 27 de marzo, 2026 - Ata 27 de marzo, 2026

Un encontro práctico pensado para persoas propietarias de adegas, persoas produtoras agropecuarias, profesionais da hostalaría e persoas emprendedoras que queren aprender a contar mellor o valor do que fan e do territorio que representan.

Categorías: Formación

Modalidades: Presencial

🗓️ Vernes, 27 de marzo I 18:00 h - 21:00 h

📍 Casa Sidrón, Pieiga 1, Negueira de Muñiz, Lugo

Ao longo da sesión, organizada polo Polo de A Fonsagrada, descubriremos como o storytelling pode transformar produtos en historias que conectan coas persoas. A través de exemplos inspiradores e dinámicas participativas, traballaremos xuntos para definir a esencia da IXP: a súa proposta de valor, posibles lemas de marca e o estilo de comunicación que transmitirá a identidade das Terras do Navia.

Será un espazo colaborativo para converter a identidade do territorio en mensaxes claras, emocionais e memorables, e tamén para dar un paso máis: traducir esas historias en accións concretas que axuden a impulsar e proxectar a marca.

Remataremos construíndo entre todas as persoas participantes un mapa narrativo colectivo do viño e das Terras do Navia, unha base de ideas e relatos que servirá para comunicar mellor o territorio, os seus produtos e a súa autenticidade.

Programa

18:00- Benvida e presentación da actividade e participantes.

18:10- Taller participativo: Definir a proposta de valor da IXP

18:40- Taller participativo: construír un claim

19:15- Taller participativo: identidade verbal

19:50- Dinámica de síntese: identificar posibles liñas de activación e proxección da marca

20:30- Definición conxunta plan de avance, seguintes pasos e conclusións

21:00- Peche da sesión.

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar