Segunda reunión de entidades locais: todo camiño se inicia cun paso

🗓️ Luns, 27 de abril I 10:00 h - 13:00 h 

📍 Sede do Polo de Baños de Molgas. R/ Samuel González Movilla, 38 - 40, Baños de Molgas 

O Polo de Baños de Molgas continúa impulsando a colaboración entre os axentes do ecosistema emprendedor do territorio.

Tras o encontro celebrado en febreiro con técnicos de entidades locais e GDR, seguimos avanzando cun novo espazo de traballo conxunto para fortalecer a coordinación e compartir necesidades do territorio.

Nesta ocasión, reunirémonos con representantes de asociacións e persoal non técnico das entidades locais para seguir construíndo unha visión compartida do desenvolvemento local.

Un paso máis cara a un modelo de traballo máis colaborativo, próximo e continuado, que permita mellorar a coordinación e xerar novas sinerxías no territorio.

O obxectivo: avanzar cara a unha axenda común que axude a aliñar prioridades e impulsar o emprego e o emprendemento de forma coordinada.

Programa 

10:00 h - Recepción de asistentes e benvida 

10:05 h - Presentación da xornada e obxectivos da mesma 

10:30 h - Mesa de traballo, principais retos, escoita activa 

12:40 h - Café e networking 

13:00 h - Clausura da xornada