🗓️ Mércores, 1 de xullo I 11:00 h - 12:30 h

📍 Inicio na Praza Constitución da Estrada, para continuar visitando distintos negocios do comercio local da vila

O Polo de emprendemento e apoio ao emprego de Silleda, en colaboración co Club de emprendemento da Estrada, convídate a participar nun encontro diferente: unha xornada para descubrir de preto negocios locais que apostan cada día polo comercio, os servizos e a hostalaría, coñecer as súas experiencias e compartir inquietudes, ideas e oportunidades.

Ao longo dun percorrido polo corazón da vila, os propios promotores e promotoras abrirán as portas dos seus negocios para contar como comezaron, que retos atoparon e que aprendizaxes lles permitiron consolidar os seus proxectos. Unha ocasión única para escoitar consellos de primeira man, establecer contactos e detectar necesidades e oportunidades que poden converterse en novas iniciativas emprendedoras.

Porque emprender tamén é crear comunidade, aprender dos que nos rodean e descubrir que as mellores oportunidades poden estar máis preto do que pensamos.

Se tes ganas de crecer, de conectar e de inspirarte, anímate a participar. O futuro dos proxectos locais constrúese compartindo experiencias. Agardámoste!

Programa: 

11:00 h - Benvida 

Benvida aos asistentes  e explicación

11:05 h - Desprazamento e visita ao primeiro negocio (pendente de confirmar)

Desprazamento ao primeiro negocio (comercio asociado a ACOE). Onde o propietario explicará a súa historia e experiencia, aportando boas prácticas a levar a cabo e malas experiencias a evitar.

11:25 h - Desprazamento e visita ao segundo negocio (Javier de la Iglesia Arte Floral)

Desprazamento ao segundo negocio tamén de carácter comercial. Onde o propietario explicará a súa historia e experiencia, aportando boas prácticas a levar a cabo e malas experiencias a evitar.

11:45 h - Desprazamento e visita ao terceiro negocio (Confitería Castelani)

Desprazamento ao terceiro negocio, do sector servizos. Onde o propietario explicará a súa historia e experiencia, aportando boas prácticas a levar a cabo e malas experiencias a evitar.

12:05 h - Desprazamento e visita ao cuarto negocio

Desprazamento ao cuarto negocio (negocio de hostalería membro do clube de emprendemento e pertencente ao Polo de Silleda). Onde a promotora explicará a súa historia e experiencia, aportando boas prácticas a levar a cabo e malas experiencias a evitar.

12:20 h - Café - Networking activo no último negocio visitado (YU Tu lugar de encuentro)

12:30 h - Peche da xornada