Networking beneficiarios da Rede: quen son? que necesito? que busco?

Dende 13 de novembro, 2025 - Ata 13 de novembro, 2025

Un encontro práctico e dinámico para coñecer outros proxectos, compartir recursos e descubrir oportunidades de colaboración. Traballa co resto de participantes e remata cun café-networking para fortalecer a comunidade emprendedora.

Categorías: Networking da Rede de Polos

Modalidades: Presencial

🗓️ Xoves, 13 de novembro | 10:30 - 13:30 h

📍 Sede do Polo Friol. R/ Diputación, nº18, 1º, Friol

Se formas parte da Rede de polos de emprendemento e apoio ao emprego de Galicia, este é o teu espazo!

Un encontro práctico e dinámico pensado para coñecer outros proxectos, identificar necesidades e detectar oportunidades de colaboración. Cada persoa participante presentará o seu proxecto, compartirá retos e recursos. Tras estes exercicios, elaboraremos un mapa de sinerxías que visualice conexións, alianzas e oportunidades futuras.

A sesión remata cun café-networking, ideal para seguir conectando de forma informal e fortalecer a comunidade emprendedora de Friol e contorna.

🗓️ Programa da xornada

10:30 – Benvida e presentación do polo e da actividade

10:45 – Presentación individual das persoas participantes

11:00 – Dinámica “Quen son? Que necesito? Que busco?” – identificación de necesidades e recursos

11:40 – Elaboración colectiva de tarxetas de conexión e detección de sinerxías

12:20 – Creación do Mapa de Sinerxías entre proxectos participantes

12:50 – Posta en común e aprendizaxes clave

13:10- Café networking

13:30 – Peche do encontro

Non perdas a oportunidade de conectar, compartir e crear sinerxías que impulsen o teu proxecto!

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar