PROGRAMA XERME | DEMODAY - 2ª edición

🗓️ Xoves, 23 de outubro de 2025 | 9:45 - 15:00 h
📍 CASA GRANDE DE XANCEDA, s/n, 15685 Mesía, A Coruña

O programa XERME, impulsado polo Clúster do Ecommerce Galego coa colaboración da Consellería de Emprego, Comercio e Emigración, pon o broche final á súa segunda edición co Demoday, que se celebrará na sede da casa Grande de Xanceda (A Coruña).

XERME é unha iniciativa destinada a impulsar o emprendemento no eCommerce en Galicia, ofrecendo formación práctica, titorías e mentorización a proxectos en distintas fases de desenvolvemento do seu comercio digital

No Demoday, os participantes presentarán os seus proxectos ante empresas, institucións e profesionais do sector. O evento incluirá tamén un espazo de networking para favorecer o intercambio de ideas e a creación de novas colaboracións.

O encontro servirá como peche dunha edición marcada polo talento e a innovación, consolidando a XERME como un referente do emprendemento dixital galego.