Presentación de Vilas Vivas: dinamización comercial en vilas singulares

Dende 08 de outubro, 2025 - Ata 08 de outubro, 2025

Actividade de presentación e difusión do programa piloto “Vilas Vivas”. Este programa, dirixido a comerciantes e produtores, é fruto dun convenio de colaboración entre a Consellería de Emprego Comercio e Emigración e o Concello de Ribadavia.

Categorías: Conectando o polo co sector...

Modalidades: Presencial

🗓️ Mércores, 8 de outubro | 16:30 - 18:00 h

📍 Salón de plenos do Concello de Ribadavia

O proxecto Vilas Vivas pretende revitalizar espazos de comercialización atractivos, volver ligar a socialización da vida diaria co consumo de todo tipo, desde tendas ata restauración e lecer. Esta tendencia ofrece unha experiencia integral aproveitando os recursos e tradicións locais.

Nesta sesión, organizada desde o Polo O Carballiño xunto a Rural Consulting, presentarase o programa e as súas características, así como os pasos precisos para formar parte do mesmo. Deste xeito, promoverase esta iniciativa que contribuirá á revalorización do casco urbano de Ribadavia e os produtores da zona.

Programa

16:30 h - Benvida, presentación e recepción de invitados

16:40 h - Presentación do proxecto Vilas Vivas e das súas características. Explicación dos pasos a seguir polos interesados na solicitude dos baixos comerciais

17:20 h - Preguntas e dúbidas

17:40 h - Petiscos

18:00 h - Peche da xornada

Se queres promocionar o comercio local de Ribadavia e participar no programa Vilas Vivas, inscríbete!

Información adicional

ColaboradoresRural Consulting

Quero rexistrarme para o evento

Politica de Privacidade

Tratamento e cesión de datos persoais

Aos efectos do previsto no Regulamento xeral de protección de datos persoais, a Xunta de Galicia informa que, en base ao cumprimento dunha misión de interese público establecida pola Lei 3/2023, de 28 de febreiro, de Emprego, está a tratar os teus datos coa finalidade de remitirche información, prestar servizos e comunicacións relativas ás actividades de xestión de políticas activas de emprego, do espírito empresarial, de atención e acompañamento ao emprendemento e/ou á posta en marcha de iniciativas empresariais, tanto de modo presencial como a través da plataforma tecnolóxica en liña polosemprendemento.gal.

A información existente no citado ficheiro poderá ser cedida ás entidades e ao persoal técnico que forman parte da rede de Polos de Emprendemento, co exclusivo propósito de que poidan ofrecerche e/ou prestarche servizos como persoa atendida, autorizando expresamente a remitirche información relativa a axudas e recursos de apoio ao emprego, emprendemento e dinamización empresarial e local que puidesen resultar do teu interese, participar en cursos de formación ou actividades de colaboración coa rede de persoal técnico de Polos de Emprendemento ou con outras persoas usuarias interesadas na túa actividade laboral ou profesional, así como calquera outro servizo dedicado a mellorar a estabilidade e a calidade do emprego, o emprendemento, o espírito empresarial e o desenvolvemento local que formen parte dos labores da rede, segundo se especifica na súa normativa reguladora.

Así mesmo, en cumprimento do disposto no Regulamento xeral de protección de datos (RXPD), na Lei Orgánica 3/2018, de 5 de decembro, de protección de datos persoais e garantía dos dereitos dixitais e demais normativa concordante, informámosche que poderás exercer o dereito de acceso, rectificación, cancelación, oposición, así como exercitar outros dereitos e obter información adicional dirixíndote ao responsable do tratamento por calquera dos seguintes medios:

- En liña: na sede electrónica da Xunta de Galicia a través do procedemento denominado PR004A dirixido á persoa titular da Secretaría Xeral de Emprego e Relacións Laborais.
- Presencial: presentando a túa solicitude asinada e por escrito en calquera das Oficinas de atención á cidadanía e de rexistro propias da Xunta de Galicia ou en calquera outra oficina ou rexistro dos previstos na normativa reguladora do procedemento administrativo común para a presentación de documentos que as persoas interesadas dirixan ás Administracións públicas.

Responsable do tratamento:

SECRETARÍA XERAL DE EMPREGO E RELACIÓNS LABORAIS

San Lázaro, s/n

15703-Santiago de Compostela

A Coruña

Desexo recibir información sobre as actividades e eventos que se desenvolven dentro da Rede de Polos Emprendemento e Apoio ao Emprego.

Acepto a política de privacidade.

Voltar